
काठमाडौँ । राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) माथि लगाएको निलम्बन तथा प्रशासनिक र आर्थिक प्रतिबन्ध हटाएको छ। राखेपको कार्यकारी समितिले बिहीबार निर्णय गर्दै एन्फामाथि लगाइएका सबै प्रतिबन्ध फुकुवा गरेको हो। राखेपका सदस्यसचिव रामचरित्र मेहताले पत्र पठाएर एन्फालाई निर्णयबारे जानकारी गराएका छन्।
एन्फाले यसअघि प्रतिबन्ध हटाउन राखेपसँग अनुरोध गरेको थियो। सोही अनुरोध र राष्ट्रिय खेलकुद विकास ऐन, २०७७ अनुसार प्रतिबन्ध फुकुवा गरिएको राखेपले जनाएको छ। यस निर्णयबारे प्रधानमन्त्री कार्यालय, खेलकुद मन्त्रालय, विश्व फुटबल महासंघ (फिफा) र एसियाली फुटबल महासंघ (एएफसी) लाई पनि जानकारी गराइएको छ।
राखेपले गत माघमा एन्फालाई प्रतिबन्ध लगाएपछि फिफाले पनि तेस्रो पक्षको हस्तक्षेप भएको भन्दै एन्फामाथि प्रतिबन्ध लगाएको थियो।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे