काठमाडौँ । नेता धवलशमशेर राणाले मेडिकल व्यवसायी तथा अभियन्ता दुर्गा प्रसाईंलाई तत्काल रिहा गर्न सरकारसँग माग गरेका छन्। सोमबार जारी विज्ञप्तिमा उनले विचार र अभिव्यक्ति व्यक्त गरेकै कारण कसैलाई पक्राउ गर्नु उचित नभएको बताएका छन्।
प्रहरीले दुर्गा प्रसाईंलाई आइतबार राति भड्काउपूर्ण अभिव्यक्ति दिएको आरोपमा पक्राउ गरेको थियो। पक्राउ हुनुअघि उनले भक्तपुरस्थित आफ्नै निवासमा पत्रकार सम्मेलन गरेर राजसंस्था पुनःस्थापना र नेपाललाई हिन्दु राष्ट्र बनाउन नयाँ अभियान सुरु गर्ने घोषणा गरेका थिए। सो क्रममा उनले सरकारको पनि आलोचना गरेका थिए।
राणाले संविधानले दिएको विचार तथा अभिव्यक्ति स्वतन्त्रताको अधिकार प्रयोग गरेकै आधारमा प्रसाईंलाई पक्राउ गर्नु निन्दनीय भएको बताएका छन्। उनले सरकारसँग प्रसाईंलाई बिना ढिलाइ रिहा गर्न आग्रह गर्दै अभिव्यक्ति स्वतन्त्रताको सम्मान गर्नुपर्ने धारणा व्यक्त गरेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
