कामना सेवा विकास बैंकलाई अग्राधिकार शेयर जारी गर्न धितोपत्र बोर्डको स्वीकृती ।

काठमाडौं — नेपाल धितोपत्र बोर्ड (सेबोन)ले कामना सेवा विकास बैंकलाई ९ प्रतिशत लाभांश दरका साथ अंकित मूल्य रु. १०० का ३५ लाख कित्ता अविमोच्य असञ्चिती अग्राधिकार शेयर जारी गर्न अनुमति प्रदान गरेको छ। बैंकको १८औँ वार्षिक साधारणसभाले पारित गरेको प्रस्ताव, तथा नेपाल राष्ट्र बैंकबाट आवश्यक स्वीकृति प्राप्त भएपछि धितोपत्र बोर्डले अन्तिम स्वीकृति प्रदान गरेको हो।

अग्राधिकार शेयर जारी भएपछि कामना सेवा विकास बैंकको चुक्तापूँजीमा उल्लेखनीय वृद्धि हुने, पूँजीगत संरचना सुदृढ भई भविष्यमा व्यवसाय विस्तारका अवसर थप खुल्ने बैंकले जनाएको छ। साथै, हालको बजारको तरलता अवस्था र प्रतिफल दरको विश्लेषण गर्दा ९ प्रतिशत निश्चित लाभांश पाउने यस प्रकारको अग्राधिकार शेयर संस्थागत लगानीकर्ताका लागि आकर्षक विकल्प सावित हुने बैंकको दाबी छ।

नेपाल राष्ट्र बैंकले पछिल्लो समय बैंक तथा वित्तीय संस्थाको पूँजीगत कोष सबलीकरणका लागि हकप्रद शेयरको विकल्पस्वरूप अग्राधिकार शेयरलाई प्रभावकारी साधनका रूपमा अघि सारेको छ। यसबाट वित्तीय संस्थाहरूले दिगो पूँजी संरचना निर्माण गर्न सहयोग पुग्ने तथा लगानीकर्ताले निश्चित प्रतिफलसहित स्थिर लगानीको अवसर पाउने धितोपत्र बजार विश्लेषकहरूले बताएका छन्।
रुपमा सक७३घढर्सलर