नबिल बैंक र त्रिवि व्यवस्थापनबीच नबिल एसएसई नवीकरण सम्झौता

काठमाडौँ । नबिल बैंक लिमिटेड र त्रिभुवन विश्वविद्यालय व्यवस्थापन संकायबीच ‘नबिल एसएसई’ कार्यक्रम सञ्चालनका लागि सम्झौता नवीकरण भएको छ। नबिल बैंकका प्रमुख कार्यकारी अधिकृत मनोजकुमार ज्ञवाली र त्रिवि व्यवस्थापन संकायका डिन प्रा।डा। महानन्द चालिसेले सम्झौतामा हस्ताक्षर गरेका हुन्। यसपछि यो कार्यक्रम सन् २०२८ सम्म निरन्तर सञ्चालन हुनेछ।

नबिल बैंकले आफ्नो संस्थागत सामाजिक उत्तरदायित्व ९ऋक्च्० अन्तर्गत विगत चार वर्षदेखि मुलुकभर सामाजिक उद्यमशीलता प्रवद्र्धन गर्ने उद्देश्यले नबिल एसएसई कार्यक्रम सञ्चालन गर्दै आएको छ। सीईओ ज्ञवालीका अनुसार सम्झौता नवीकरणले दुवै संस्थाबीचको सहकार्य अझ मजबुत बनाउनेछ र सामाजिक उद्यमशीलता प्रवद्र्धनमा ठूलो योगदान पुग्नेछ।

ज्ञवालीले भने, “नबिल बैंक सधैं स्थानीय अर्थतन्त्रमा मूल्य थप्ने, समुदायमा सकारात्मक परिवर्तन ल्याउने, र विद्यार्थी तथा उद्यमीहरूलाई आफ्नो क्षमता विस्तार गर्न सहयोग गर्ने पहलमा साथ दिँदै आएको छ। यस कार्यक्रमलाई निरन्तर अगाडि बढाउँदै सामाजिक उद्यमशीलताको विकासमा योगदान पुर्‍याउनेछौं।”