काठमाडौं । राष्ट्रिय प्रजातन्त्र पार्टी (राप्रपा)ले बागमती प्रदेशमा देखिएको विवादबारे छलफल गर्न आकस्मिक बैठक बोलाएको छ। बैठक दिउँसो १२ बजे पार्टीको केन्द्रीय कार्यालय धुम्बाराहीमा बस्नेछ।
राप्रपाका अनुसार पार्टीको निर्णयविपरीत बागमती प्रदेश संसदीय दलका नेता उद्धव थापाले एमालेका मुख्यमन्त्री उम्मेदवार किरण थापालाई समर्थन गरेका छन्। पार्टीले एक व्यक्तिको समर्थनलाई सिंगो संसदीय दलको समर्थन मान्न नसकिने जनाएको छ।
राप्रपाले उद्धव थापासँग १२ घण्टाभित्र स्पष्टीकरण दिन भनेको छ। चित्तबुझ्दो जवाफ नआए कारबाही गर्ने तयारी पार्टीको छ। यस विषयमा छलफल गर्न केन्द्रीय अनुशासन आयोगको बैठक पनि बोलाइएको छ।
राप्रपाभित्रको विवादका कारण बागमतीमा नयाँ सरकार गठनको प्रक्रिया पनि अन्योलमा परेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
