चमेना गृह उद्घाटन तथा हस्तान्तरण कार्यक्रम सम्पन्न , दातादेखि शिक्षा अधिकारीसम्म सम्मानित

काठमाडौं । माछापुच्छ्रे आइबी वर्ल्ड स्कूलले आफ्नो सामाजिक उत्तरदायित्व (CSR) अन्तर्गत ललितपुरको महालक्ष्मी माध्यमिक विद्यालयमा निर्माण गरेको आधुनिक चमेनागृह (क्यान्टिन) आज एक विशेष समारोहका बीच औपचारिक रूपमा उद्घाटन तथा हस्तान्तरण गरियो ।

विद्यालयमा निर्माण सम्पन्न भएको चमेना गृहको उद्घाटन तथा हस्तान्तरण कार्यक्रम विविध कार्यक्रमका साथ सम्पन्न भएको थियो। कार्यक्रमको सञ्चालन सहायक प्रधानाध्यापक अम्बिका लिम्बुले गर्नुभएको थियो भने रश्मी बरालले प्रस्तोताको भूमिका निर्वाह गर्नुभएको थियो।

कार्यक्रमको सुरुआत अतिथिहरूको आसन ग्रहण, खादा वितरण तथा राष्ट्रिय गानबाट गरिएको थियो। त्यसपछि विद्यालय व्यवस्थापन समितिका अध्यक्ष अमृतजंग महतको अध्यक्षतामा पानसमा दीप प्रज्वलन गरी कार्यक्रमको औपचारिक उद्घाटन गरिएको थियो। कार्यक्रममा शिक्षा निर्देशक देवीप्रसाद उपाध्याय तथा शिक्षा महाशाखाका अधिकृत एवं विद्यालय निरीक्षक कपिलमणि पौडेल विशेष अतिथिका रूपमा सहभागी हुनुभएको थियो।

विद्यालयका प्रधानाध्यापक राजेन राईले स्वागत मन्तव्य व्यक्त गर्नुभएको थियो। त्यसपछि नवनिर्मित चमेना गृहको औपचारिक उद्घाटन तथा हस्तान्तरण सम्पन्न गरिएको थियो।

कार्यक्रममा प्रमुख अतिथि डा. विनोदप्रसाद यादव, शिक्षा निर्देशक देवीप्रसाद उपाध्याय तथा विद्यालय निरीक्षक कपिलमणि पौडेलले विद्यालयको शैक्षिक विकास, भौतिक पूर्वाधार विस्तार तथा विद्यार्थीमैत्री वातावरण निर्माणका विषयमा आफ्ना धारणा राख्नुभएको थियो।

सो अवसरमा शिक्षा क्षेत्रमा योगदान पुर्‍याएका व्यक्तित्वहरूलाई सम्मानपत्र तथा मायाको चिनो प्रदान गरिएको थियो। शिक्षा निर्देशक, विद्यालय निरीक्षक, दातृ विद्यालयका अध्यक्ष, संस्थापक, पूर्व विद्यालय व्यवस्थापन समितिका अध्यक्ष तथा सदस्यहरू र शान्तीदेवी उपाध्यायलाई विशेष सम्मान गरिएको थियो।

कार्यक्रमको अन्त्य विद्यालय व्यवस्थापन समितिका अध्यक्ष अमृतजंग महतले समापन मन्तव्य व्यक्त गर्दै सभाको औपचारिक समापन गर्नुभएको थियो।