माछापुच्छ्रे वर्ल्ड स्कूलद्वारा जेनरेटिभ एआईसम्बन्धी कार्यशाला आयोजना

पोखरा– माछापुच्छ्रे वर्ल्ड स्कूल (MWS) ले “जेनरेटिभ एआईले शिक्षा र कार्य क्षेत्रमा पार्ने प्रभाव” विषयमा एक महत्वपूर्ण कार्यशाला आयोजना गरेको छ। यस कार्यशालामा न्युयोर्क सिटीस्थित NYU Stern School of Business का प्रमुख एआई विद्  कोनर ग्रेनान प्रमुख वक्ताका रूपमा सहभागी भएका थिए।

कार्यशालामा श्री ग्रेनानले जेनरेटिभ एआईले शिक्षण शैली, पेशागत क्षेत्रहरू, र भविष्यका अवसरहरूमा कसरी परिवर्तन ल्याइरहेको छ भन्ने बारेमा गहन जानकारी दिएका थिए। उनले एआईका व्यावहारिक उपयोग, त्यसका नैतिक चुनौतीहरू, र विद्यार्थीहरूले भविष्यको प्रविधिमैत्री विश्वका लागि कसरी तयारी गर्न सक्छन् भन्ने विषयमा पनि चर्चा गरेका थिए।

MWS ले विद्यार्थीलार्ई बदलिंदो विश्वबारे सचेत गराउन यस्ता शैक्षिक कार्यक्रमहरू नियमित रूपमा आयोजना गर्दै आएको छ। बिभिन्न क्षेत्रका विशेषज्ञहरूलाई आमन्त्रण गर्दै, विद्यालयले विद्यार्थीहरूलाई नवीनतम ज्ञान प्रदान गर्ने लक्ष्य राखेको छ, जसले उनीहरूलाई प्रविधि-सम्बद्ध भविष्यका लागि सक्षम बनाउँछ।

कार्यशाला अन्तरक्रियात्मक र ज्ञानवर्द्धक रहेको थियो, जसमा विद्यार्थीहरूले आफ्ना जिज्ञासाहरू राख्न र एआईको भविष्यका सम्भावनाहरूबारे बुझ्न अवसर पाएका थिए। MWS ले अन्तर्राष्ट्रिय प्रवृत्तिहरूलाई पाठ्यक्रममा समावेश गर्दै गुणस्तरीय शिक्षा प्रदान गर्ने प्रतिबद्धता दोहोर्याएको छ।