नबिल बैंकद्वारा ‘सस्टेनेबल लिडरसिप’ विषयक अपरेशनल कन्फरेन्स सम्पन्न

काठमाडौँ – नबिल बैंकले “Empowering Operational Excellence – Sustainable Leadership” शीर्षकमा आयोजित आफ्नो राष्ट्रिय अपरेसन सम्मेलन हालै सफलता साथ सम्पन्न गरेको छ। देशभरका १०० भन्दा बढी अपरेसन इन्चार्जहरूको सक्रिय सहभागितामा सम्पन्न यस सम्मेलनले बैंकको अपरेशनल दक्षता, सेवा गुणस्तर तथा दिगो नेतृत्व विकासमा सशक्त योगदान पुर्‍याउने उद्देश्य राखेको थियो।

कार्यक्रममा बैंकका वरिष्ठ कार्यकारी, विभागीय प्रमुख र विषय विशेषज्ञहरूको प्रस्तुति तथा प्यानल छलफलहरू प्रस्तुत गरिएको थियो, जसमा नेतृत्व विकास, नियामक पालना (compliance) तथा ग्राहक सेवा सुधारमा केन्द्रित विचारहरू साझा गरिए। वक्ताहरूले डिजिटल युगमा निर्बाध, सुरक्षित र प्रभावकारी बैंकिङ्ग सेवा प्रवाह गर्ने उपायहरूमा गहिरो अन्तर्क्रिया गरे।

सम्मेलनको पहिलो प्रमुख सत्र ‘शाखा व्यापार र अपरेसन सेवा सुधार’ मा सेवा उत्कृष्टता प्रमुख श्रीमती प्रभावती सिंह बिष्टको संयोजकत्वमा छलफल भएको थियो। यस प्यानलमा ब्रोनल श्री टेकराज भट्ट, BOC प्रमुख श्री अशेष अधिकारी, CMO श्री कृष्णप्रसाद सुवेदी, प्रशासन विभाग प्रमुख श्री कैलाश त्रिपाठी, तथा खुद्रा कर्जा विभाग प्रमुख श्रीमती चन्दनी श्रेष्ठ सहभागी थिए। यस सत्रमा शाखास्तरीय सेवा सुधार, नवप्रवर्तन, प्रविधिको प्रभावकारी प्रयोग तथा ग्राहक केन्द्रित सेवा प्रवाहमा केन्द्रित रणनीतिहरू प्रस्तुत गरिएका थिए।

दोस्रो सत्र ‘अपरेसन नेतृत्व र वरिष्ठ कार्यकारीबीचको अन्तरक्रिया’ मा CPC प्रमुख श्री प्रतुल भट्टको संयोजनमा कार्यकारी प्रमुख ACEO श्री मनोज कुमार ज्ञवाली, वरिष्ठ DCEO श्री सुजित कुमार शाक्य, र DCEO श्री भूपेन्द्र पाण्डेले शाखा अपरेसन इन्चार्जहरूसँग प्रत्यक्ष संवाद गरे। उक्त छलफलमा रणनीतिक सोच, नेतृत्व क्षमताको सुदृढीकरण, अपरेसनमा देखिने व्यावहारिक चुनौती र सम्भावित समाधानका उपायहरूमाथि विश्लेषणात्मक दृष्टिकोण प्रस्तुत गरिएको थियो।

सम्मेलनको समापनमा नबिल बैंकले सेवा सुदृढीकरण, कर्मचारी सशक्तिकरण तथा समग्र संस्थागत उत्कृष्टता हासिल गर्ने आफ्नो प्रतिबद्धता पुनः दोहोर्याएको छ। सम्मेलनले ‘सशक्त टिम निर्माण र उत्कृष्टता हासिल गर्न एकसाथ अघि बढौँ’ भन्ने सामूहिक सन्देश दिएको छ।