काठमाडौँ — अमेरिकाको मिलेनियम च्यालेन्ज कर्पोरेसन (एमसीसी) अन्तर्गत नेपालमा चलिरहेको विकास परियोजनालाई निरन्तरता दिने निर्णय भएको छ। अर्थ मन्त्रालयले सोमबार सार्वजनिक सूचना जारी गर्दै एमसीसीले २४ जुलाई २०२५ मा पठाएको पत्रमार्फत पुनरावलोकन कार्य सकिएको र परियोजना अघि बढाउने सिफारिस गरिएको जानकारी दिएको हो।
यो परियोजना अन्तर्गत अमेरिका सरकारले ५० करोड डलर (करीब ६८ अर्ब ५० करोड रुपैयाँ) सहयोग गर्दैछ भने नेपाल सरकारले झन्डै २७ अर्ब रुपैयाँ (१९ करोड ७० लाख डलर) थप योगदान गरेको छ।
परियोजनाले विद्युत् प्रसारण लाइन, सबस्टेसन र सडक सुधारमा टेवा पुर्याउनेछ, जसले क्षेत्रीय ऊर्जा व्यापार र आर्थिक समृद्धिमा योगदान दिने लक्ष्य राखिएको छ।
२०७४ भदौमा नेपाल र एमसीसीबीच सम्झौता भएको थियो भने २०८० भदौदेखि यसको कार्यान्वयन थालिएको हो। हाल बुटवल–गोरखपुर प्रसारण लाइन, नयाँ बुटवल, दमौली र रातामाटे सबस्टेसन निर्माण भइरहेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
