दोस्रो प्यानल छलफल “Harnessing the Impact of Australian Education: The Role of Returning Nepali Graduates in Shaping Nepal’s Economic Future” विषयमा केन्द्रित थियो। संयोजक डा. पारस खरेलले सञ्चालन गर्नुभएको यस सत्रमा अभिषेक श्रेष्ठ (ICMS Graduate), डा. समीर दिक्षित (UoW/WSU Graduate), आरुश्री शर्मा (University of Sydney) र अश्लेशा कार्की (University of Melbourne) सहभागी भएका थिए।
कार्यक्रममा सांसद डा. स्वर्णिम वाग्लेले प्रमुख वक्ता (Keynote Speaker) को रुपमा सम्बोधन गर्दै अष्ट्रेलियाबाट फर्किएका स्नातकहरूले नेपालको नीति निर्माण र अर्थतन्त्रमा पु-याउन सक्ने योगदानबारे विस्तृत विचार प्रस्तुत गर्नुभयो। प्रमुख अतिथि अष्ट्रेलियाकी नेपालस्थित राजदूत लेआन जोन्स्टनले द्विपक्षीय शिक्षा सहकार्यलाई अझ मजबुत बनाउन कूटनीतिक र शैक्षिक सहकार्य अपरिहार्य रहेको बताउनुभयो।
AAERI Nepal का उपाध्यक्ष बुद्धि सागर अर्यालले धन्यवाद ज्ञापन गर्दै औपचारिक सत्रको समापन गर्नुभयो। कार्यक्रमलाई NIB, IDP IELTS, Nabil Bank, Nepal SBI Bank, Pearson PTE, Siddhartha Bank, Prabhu Bank, Neco Insurance Ltd., Alfa Care Diagnostic Center र Jupiter Media लगायत संस्थाहरूले विशेष सहयोग गरेका थिए।
समृद्ध विचार, बहुआयामिक सहभागिता र उच्चस्तरीय छलफलसहित सम्पन्न Impact Forum on Australian Education 2025 ले नेपाल–अष्ट्रेलिया शिक्षा सम्बन्धलाई अझ मजबुत बनाउन महत्त्वपूर्ण योगदान पुर्याएको निष्कर्ष निकालिएको छ।
