ईक्यान ललितपुरले ‘नेक्स्टजेन ग्राण्ड एजु एक्स्पो २०२५’ ललितपुरमा आयोजना गर्ने

ललितपुर, भदौ ८ – ललितपुरका विद्यार्थी तथा अभिभावकलाई अन्तर्राष्ट्रिय स्तरका शैक्षिक अवसर आफ्नै शहरमा उपलब्ध गराउने उद्देश्यले ईक्यान ललितपुर  ले आगामी ‘ईक्यान ललितपुर नेक्स्टजेन ग्राण्ड एजु एक्स्पो २०२५’ को तयारी पूरा भएको जनाएको छ।

उक्त महोत्सव २०२५ अगस्ट २७ (२०८२ भदौ ११) मा ललितपुरको कुपण्डोलस्थित होटल हिमालयमा आयोजना हुने भएको छ। “Inspiring Dreams, Guiding Futures — Together” मूल नाराका साथ सञ्चालन हुने एक्स्पोमा विद्यार्थी र अभिभावकले विश्वका प्रतिष्ठित विश्वविद्यालय तथा कलेजका प्रतिनिधिहरूसँग प्रत्यक्ष भेटघाट गरी अध्ययन अवसरबारे विस्तृत जानकारी पाउनेछन्।

पत्रकार सम्मेलनमा ईक्यान ललितपुरका सचिव सनम महर्जनले स्वागत मन्तव्य दिँदै यस एक्स्पोले ललितपुरमै बस्ने विद्यार्थीलाई अन्तर्राष्ट्रिय शिक्षा सहज र सुरक्षित तरिकाले पाउन सहयोग गर्ने विश्वास व्यक्त गरे। अध्यक्ष अरविन्द कुमार सिंहले भने, “यो अवसर नछुटाउनुहोस्। आफ्ना Queries, Doubts र Dreams लिएर आउनुहोस्। शिक्षा जीवनकै ठूलो लगानी हो र अहिलेको सही निर्णयले तपाईंको भविष्य सुनिश्चित गर्छ।”

यस ग्राण्ड एक्स्पोमा अष्ट्रेलिया, न्यूजील्यान्ड, बेलायत, अमेरिका, यूएई, साइप्रस, मलेशिया, भारत र नेपालका प्रतिष्ठित संस्थानहरू सहभागी हुनेछन्। युनिभर्सिटी अफ वैकाटो, युनिभर्सिटी अफ अकल्याण्ड, रोयल रोड्स युनिभर्सिटी, लिभरपुल जोन मुरेस युनिभर्सिटी, वेब्स्टर युनिभर्सिटी, यूक्लान युनिभर्सिटी–साइप्रस, शूलिनी युनिभर्सिटी–भारत, एआइटीएम कलेज, द वेस्टमिनिस्टर कलेज, क्विन्सफोर्ड कलेज रफ्युजन कलेज अफ टेक्नोलोजी प्रमुख आकर्षण रहनेछन्।

कार्यक्रम भदौ ११ गते बिहान १० बजे देखि बेलुकी ५ बजेसम्म सञ्चालन हुनेछ। ईक्यान ललितपुरले यस कार्यक्रमलाई पारदर्शिता, नैतिक अभ्यास र विश्वासिलो सेवा प्रदान गर्ने आफ्नो प्रतिबद्धताको निरन्तरता स्वरूप ल्याएको जनाएको छ।