विवाद बाहिरिएपछि खगेन्द्र सुनारको नाम मन्त्रीको सूचीबाट हटाउँदै प्रधानमन्त्री कार्की

काठमाडौँ । नयाँ मन्त्रीका लागि सिफारिस भएका चारजना मन्त्रीमध्ये तीन जनाको मात्रै शपथ हुने भएको छ । सुशीला कार्की नेतृत्वको सरकारमा श्रम रोजगार तथा सामाजिक सुरक्षामन्त्रीमा सिफारिस खगेन्द्र सुनारको शपथ नहुने भएको छ । फौजदारी मुद्दामा प्रतिवादी रहेको खुलासा भएपछि उनको शपथ नहुने भएको हो । प्रधानमन्त्री सुशीला कार्कीले आइतबार बिहान राष्ट्रपति कार्यालयमा पठाएको नामावलीमा सुनारलाई श्रम रोजगार तथा सामाजिक सुरक्षामन्त्री बनाउने उल्लेख थियो ।

अहिले प्रधानमन्त्री कार्कीका स्वकीय सचिव आदर्शकुमार श्रेष्ठले राष्ट्रपति कार्यालय पुगेर सुनारलाई शपथ नगराउने जानकारी गराएका राष्ट्रपति कार्यालय स्रोतले जानकारी दिएको छ । काठमाडौं । जिल्ला अदालत सुर्खेतबाट जारी पक्राउ पुर्जीमा उल्लेखित फरार अभियुक्त खगेन्द्र सुनारलाई श्रम, रोजगार तथा सामाजिक सुरक्षा मन्त्री बनाउन लागेको तयारीले राजनीतिक विवाद निम्त्याएको छ।

अदालतको मु।र।नं। ७८(०८०(०२१४१ र मु।नं। ०८०–ऋ१–०५२२ अनुसार, गुर्भाकोट नगरपालिका–८ स्थित मेहेलकुना अस्पताल तोडफोड र स्वास्थ्यकर्मीमाथि हातपात गरेको अभियोगमा सुनारविरुद्ध मुद्दा दर्ता भएको हो।

अस्पतालका प्रमुख डा। सोजन सापकोटाको उजुरीका आधारमा यो मुद्दा मिति २०८१ असार १४ गते दर्ता भएको थियो। त्यसको आधारमा अदालतले असार २१ गते सात दिनभित्र पक्राउ गरी अदालतमा उपस्थित गराउन भन्दै दैलेख प्रहरी कार्यालयलाई आदेश दिएको थियो।