काठमाडौं। नेपाली कांग्रेस संसदीय दलका नेता भीष्मराज आङ्देम्बेले पार्टीलाई फुटाउने नभई अझ बलियो बनाउन सबै नेता एकजुट हुनुपर्ने बताएका छन्।
भरतपुर महानगर समितिले आयोजना गरेको ४४औँ बिपी स्मृति दिवस कार्यक्रममा सहभागी हुँदै उनले पार्टी विभाजन भए देशको विकासमा असर पर्ने बताए। उनले कांग्रेसलाई कमजोर बनाउने गतिविधिभन्दा संगठन मजबुत बनाउन सबै लाग्नुपर्नेमा जोड दिए।
वृक्षरोपण कार्यक्रमपछि पत्रकारसँग कुरा गर्दै उनले पार्टीको एकता नै अहिलेको आवश्यकता रहेको बताए। कार्यक्रममा बागमती प्रदेशका मुख्यमन्त्री इन्द्रबहादुर बानियाँ, कांग्रेस नेता तथा कार्यकर्ताको समेत सहभागिता रहेको थियो।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
