काठमाडौँ । प्रधानमन्त्री बालेन्द्र शाहले उद्योग, वाणिज्य तथा आपूर्तिमन्त्री पदमा सुनसरी–४ का सांसद दीपककुमार साहलाई नियुक्त गर्न राष्ट्रपतिसमक्ष सिफारिस गरेका छन्।
उद्योगमन्त्री गौरीकुमारी यादवले पदबाट राजीनामा दिएपछि रिक्त रहेको मन्त्रालयको नेतृत्वका लागि प्रधानमन्त्री शाहले साहको नाम सिफारिस गरेका हुन्।
साहलाई उद्योग मन्त्रालयको जिम्मेवारी दिने प्रक्रिया मन्त्रिपरिषद्को बैठक जारी रहेकै क्रममा अघि बढाइएको जनाइएको छ। नियुक्तिका लागि सिफारिस गरिएका साह हाल प्रधानमन्त्री तथा मन्त्रिपरिषद्को कार्यालयमा रहेको बताइएको छ।
यादवले राजीनामा दिएपछि रिक्त रहेको उद्योग, वाणिज्य तथा आपूर्ति मन्त्रालयको नेतृत्व अब साहले सम्हाल्ने तयारी भएको हो। राष्ट्रपतिबाट नियुक्ति भएपछि उनले औपचारिक रूपमा मन्त्रालयको जिम्मेवारी सम्हाल्नेछन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
