परराष्ट्रमन्त्री खनाल र पोर्चुगलका विदेशमन्त्रीबीच भेटवार्ता

काठमाडौँ । परराष्ट्रमन्त्री शिशिर खनालले पोर्चुगलका विदेशमन्त्री पाउलो रान्जेलसँग भेटवार्ता गर्नुभएको छ। संयुक्त राष्ट्रसंघको ८१औँ महासभाका क्रममा अमेरिकाको न्युयोर्कमा भएको भेटमा नेपाल र पोर्चुगलबीचको सम्बन्धबारे छलफल भएको हो।

भेटमा दुवै देशका मन्त्रीले नेपाल र पोर्चुगलबीच पछिल्लो समय बढ्दै गएको मित्रता र सहकार्यप्रति खुशी व्यक्त गर्नुभयो। साथै, दुवै देशको आपसी हित हुने विभिन्न क्षेत्रमा सहकार्य अझ बढाउने विषयमा कुराकानी भएको थियो।

नेपाल र पोर्चुगलबीचको सम्बन्धलाई अझ बलियो र सक्रिय बनाउँदै शिक्षा, व्यापार, पर्यटन तथा अन्य साझा चासोका क्षेत्रमा सहकार्य अघि बढाउने विषयमा पनि छलफल भएको बताइएको छ। दुवै पक्षले आगामी दिनमा आपसी हितका विषयमा मिलेर काम गर्ने प्रतिबद्धता व्यक्त गरेका छन्।