इरानलाई ‘ध्वस्त’ पार्ने ट्रम्पको चेतावनी

काठमाडौँ । अमेरिकी राष्ट्रपति डोनाल्ड ट्रम्पले इरानसँग सम्झौता नभए इरानलाई ‘ध्वस्त’ पार्ने चेतावनी दिएका छन्। त्यसको जवाफमा इरानी सेनाले ट्रम्पका धम्कीलाई ‘प्रचारको माध्यम’ भन्दै अमेरिकी सेनालाई चेतावनी दिएको छ।

इरानी सेनाका अनुसार अमेरिकाले इरानविरुद्ध गरेका सैन्य गतिविधिमा अपेक्षित सफलता पाउन नसकेपछि यस्तो धम्की दिइरहेको हो। इरानले अमेरिकामाथि पश्चिम एसियामा तनाव र अस्थिरता बढाएको आरोप पनि लगाएको छ।

यसैबीच, इरानी राष्ट्रपति मसुद पेजेस्कियान संयुक्त राष्ट्रसंघको ८१औँ महासभामा सहभागी हुन न्युयोर्क पुगेका छन्। उनले अन्तर्राष्ट्रिय मञ्चमा इरानको पक्ष राख्दै विगतका वार्ता र सम्झौतामा भएका प्रतिबद्धता पूरा नभएको विषय उठाउने बताएका छन्।

ट्रम्पले महासभालाई सम्बोधन गर्दै इरानसँग सम्झौता नभए कडा कदम चाल्ने बताएका थिए। उनले चुनावपछि इरानसँग सम्झौता हुनसक्ने सम्भावना पनि व्यक्त गरेका छन्।