नेपाल–जापान सम्बन्ध थप बलियो बनाउने विषयमा मन्त्रीस्तरीय भेटवार्ता

काठमाडौँ । परराष्ट्रमन्त्री शिशिर खनाल र जापानका विदेशमन्त्री मोटेगी तोसिमित्सुबीच न्युयोर्कमा भेटवार्ता भएको छ। संयुक्त राष्ट्रसंघको ८१औँ महासभाका क्रममा भएको भेटमा नेपालमा हालै आएको बाढीबाट भएको क्षतिबारे छलफल भयो।

जापानी विदेशमन्त्री मोटेगीले बाढीबाट भएको जनधनको क्षतिप्रति दुःख व्यक्त गर्दै पीडित परिवारप्रति समवेदना जनाउनुभयो। उहाँले उद्धार तथा राहतका लागि नेपाल सरकारले गरिरहेको कामको प्रशंसा गर्दै जापानले तत्कालदेखि दीर्घकालीन रूपमा सहयोग जारी राख्ने बताउनुभयो।

मन्त्री खनालले जापान सरकार र जनताले दिएको सहयोग र समवेदनाका लागि धन्यवाद दिनुभयो। साथै, बाढीमा हराइरहेका नेपाली तथा विदेशी नागरिकको खोजी भइरहेको जानकारी दिनुभयो।

भेटमा नेपाल–जापान कूटनीतिक सम्बन्धको ७०औँ वर्षगाँठ र आगामी नोभेम्बरमा हुने नेपाल–जापान फेस्टिभलबारे पनि छलफल भएको थियो। दुवै पक्षले आगामी दिनमा सम्बन्ध र सहकार्य थप बलियो बनाउने बताएका छन्।