काठमाडौं। त्रिभुवन विश्वविद्यालय (त्रिवि)ले चालु वर्ष स्नातकदेखि विद्यावारिधिसम्मका ९५ हजार ५४० विद्यार्थीलाई दीक्षित गर्ने भएको छ।
त्रिवि सभाको ६७औँ वार्षिक दिवस बैठकले ६४औँ ग्रेस लिस्ट पारित गर्दै उक्त सङ्ख्यामा विद्यार्थीलाई आगामी दीक्षान्त समारोहमा सहभागी गराउने निर्णय गरेको हो।
त्रिविका अनुसार २०८२ असार १ गतेदेखि २०८३ असार मसान्तसम्म ट्रान्सक्रिप्ट प्राप्त गरेका विद्यार्थी यसपटकको दीक्षान्त समारोहमा सहभागी भई दीक्षित हुनेछन्।
दीक्षित हुने विद्यार्थीमा स्नातक, स्नातकोत्तर तथा विद्यावारिधिसहित त्रिविका विभिन्न तहमा अध्ययन पूरा गरेका विद्यार्थीहरू समावेश हुनेछन्। ठूलो सङ्ख्यामा विद्यार्थी दीक्षित हुने भएकाले यस वर्षको दीक्षान्त समारोह त्रिविका लागि महत्वपूर्ण हुने भएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
