रौतहट–४ को भरोसा: विकास र समृद्धिको ‘रूख’ बनेका देवप्रसाद तिमल्सिना

रौतहट – आउँदो फागुन २१ को प्रतिनिधि सभा निर्वाचनमा रौतहट क्षेत्र नम्बर ४ मा नेपाली कांग्रेसको पक्षमा जनसमर्थन बढ्दो भएको छ। नेपाली कांग्रेसका उम्मेदवार देवप्रसाद तिमल्सिनाले क्षेत्रको कृषि र पर्यटन विकास मार्फत शिक्षा, स्वास्थ्य र रोजगारमा समृद्धि ल्याउने लक्ष्यसहित मतदाता समक्ष आफ्नो अभियान अघि बढाएका छन्।

उम्मेदवार तिमलसेनाले मतदातालाई ‘रूख’ चुनाव चिन्हमा मतदान गरी विजयी गराउन अनुरोध गर्दै यस क्षेत्रका विकास र समृद्धिका लागि कांग्रेसमा मतदान गर्न अपिल गरे।

उक्त अवसरमा नेपाली कांग्रेस मधेस प्रदेश सदस्य रबिनचन्द्र कोइरालाले जनलहर बढिरहेको र “जन–जनमा कांग्रेस, मन–मनमा कांग्रेस” नाराले आगामी दिनमा समृद्धिको दिशा तय गर्ने बताउँदै मतदातालाई एकजुट भएर मतदान गर्न अपिल गरे।

उम्मेदवार तिमल्सिनाले आगामी आम निर्वाचन २०८२ का लागि देश विकासका भिजन समेटिएको घोषणापत्र तयार भइरहेको र यसले नागरिकका गुनासा तथा अपेक्षा सम्बोधन गर्दै देश विकासको मार्गचित्र तय गर्ने बताए। उनले भनाइमा , “नागरिकको अपेक्षाअनुसार देश बदल्ने यात्रामा प्रमुख १० प्राथमिकता तय गरेर हामी अघि बढ्दैछौं, तपाईं सबैको साथ र सहयोगको अपेक्षा गरेका छौं।” तिमल्सिनाले बताए ।