दिवाकर गोल्छाको ७३औँ जन्मजयन्तीमा स्वास्थ्य शिविरदेखि डायलसिस उपकरण हस्तान्तरणसम्म विविध कार्यक्रम

काठमाडौं । दिवाकर गोल्छा अर्गनाइजेशनले संस्थापक स्वर्गीय दिवाकर गोल्छाको ७३औँ जन्मजयन्ती तथा संस्थापक दिवसका अवसरमा देशका विभिन्न स्थानमा सामाजिक उत्तरदायित्वका विविध कार्यक्रम आयोजना गरेको छ।

अर्गनाइजेशनले स्वर्गीय गोल्छाको औद्योगिकीकरण, उद्यमशीलता प्रवर्द्धन तथा स्वदेशमै रोजगारी सिर्जना गर्ने योगदानको स्मरण गर्दै हरेक वर्ष संस्थापक दिवस मनाउँदै आएको जनाएको छ। यस वर्ष पनि उद्योगका उत्पादन केन्द्र, काठमाडौंस्थित कर्पोरेट कार्यालय तथा अन्य शाखा कार्यालयमा विभिन्न कार्यक्रम आयोजना गरिएको संस्थाले जनाएको छ।

संस्थाका अनुसार संस्थापक दिवसका अवसरमा निःशुल्क स्वास्थ्य शिविर सञ्चालन गरी स्थानीय बासिन्दालाई स्वास्थ्य परीक्षण तथा परामर्श सेवा प्रदान गरिएको छ। उत्कृष्ट कार्यसम्पादन गर्ने कर्मचारीलाई सम्मान तथा पुरस्कार वितरण गरिएको छ भने वातावरण संरक्षणको सन्देशसहित विभिन्न स्थानमा वृक्षारोपण कार्यक्रम पनि सम्पन्न गरिएको छ।

यसैगरी, स्थानीय विद्यालय तथा वृद्धाश्रममा भोजन वितरण गरी सामुदायिक सेवामा योगदान पुर्‍याइएको छ। कीर्तिपुर अस्पताललाई डायलसिस उपकरण हस्तान्तरण गरिएकोछ।

अर्गनाइजेशनका अनुसार स्वर्गीय दिवाकर गोल्छाले देशलाई औद्योगिकीकरण र रोजगारीतर्फ उन्मुख बनाउने लक्ष्यसहित विभिन्न क्षेत्रमा उद्योग स्थापना गरेका थिए। कर्कटजस्ता पाता तथा पाइप, जुट, चिनी, खाद्यान्न, एल्युमिनियम, स्टिलका भाँडाकुँडा, जस्ती पाता, तामाको तार तथा विद्युतीय सामग्री उत्पादन गर्ने उद्योगमार्फत करिब २० हजार जनालाई प्रत्यक्ष रोजगारी उपलब्ध गराइएको  छ।

नेपालको पहिलो स्टिल उद्योगका रूपमा स्थापित हुलास स्टिल इन्डस्ट्रिज लिमिटेडले ४५ वर्षको अवधिमा स्वदेशमै गुणस्तरीय जस्ती पाता उत्पादन गर्दै औद्योगिक विकास, रोजगारी सिर्जना तथा राष्ट्रिय अर्थतन्त्रमा उल्लेखनीय योगदान  छ।

त्यसैगरी, दिवाकर गोल्छा फाउन्डेसनमार्फत विभिन्न संघसंस्था तथा सामाजिक क्षेत्रमा आर्थिक सहयोग र सामाजिक उत्तरदायित्वसम्बन्धी कार्यक्रम सञ्चालन गर्दै आएको  छ।