काठमाडौं । माछापुच्छ्रे बैंक लिमिटेड र कर्मचारी सञ्चय कोषबीच कोषका कर्मचारीलाई लक्षित गरी विशेष बैंकिङ सुविधा उपलब्ध गराउनेसम्बन्धी सम्झौता भएको छ।
सम्झौतापत्रमा माछापुच्छ्रे बैंकका वरिष्ठ नायब प्रमुख कार्यकारी अधिकृत प्रसिद्ध राज अर्याल र कर्मचारी सञ्चय कोषका कामु सहप्रशासक भरत राज बस्तीले हस्ताक्षर गरेका छन्।
सम्झौताअनुसार माछापुच्छ्रे बैंकले कर्मचारी सञ्चय कोषका कर्मचारीका लागि प्रिमियम सुविधासहितको तलब व्यवस्थापन खाता सञ्चालनमा ल्याउनेछ। उक्त खातामार्फत कोषका कर्मचारीले सहज, सुरक्षित र आधुनिक बैंकिङ सेवा प्राप्त गर्ने बैंकले जनाएको छ।
तलब व्यवस्थापन खातासँगै बैंकले ग्राहकको आवश्यकतालाई ध्यानमा राखी बचत तथा निक्षेप, डिजिटल बैंकिङ, कर्जा तथा कार्डलगायत विभिन्न अतिरिक्त बैंकिङ सुविधा पनि उपलब्ध गराउनेछ।
माछापुच्छ्रे बैंकले विभिन्न सरकारी कार्यालयका कर्मचारीको तलब व्यवस्थापन खाता सञ्चालनमा अग्रणी भूमिका निर्वाह गर्दै आएको जनाएको छ। बैंकले आफ्ना ग्राहकलाई नवीनतम प्रविधिमा आधारित सरल, सुरक्षित र भरपर्दो बैंकिङ सेवा प्रदान गर्दै आएको पनि उल्लेख गरेको छ।
बैंक र कर्मचारी सञ्चय कोषबीचको यस सहकार्यबाट संस्थागत बैंकिङ सेवाको विस्तार हुनुका साथै कोषका कर्मचारीलाई थप सहज र उत्कृष्ट वित्तीय सेवा अनुभव प्रदान गर्न सहयोग पुग्ने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
