गगन थापासँग भेटपछि मिनेन्द्र रिजालले फिर्ता लिए उपसभापतिको उम्मेदवारी

काठमाडौँ । नेपाली कांग्रेसको १५औँ महाधिवेशनमा खुला उपसभापति पदका लागि उम्मेदवारी दिएका नेता मिनेन्द्र रिजालले उम्मेदवारी फिर्ता लिने तयारी गरेका छन्। उम्मेदवारी दर्ता गरेपछि उनले पार्टी सभापति गगन थापासँग भेट गरेका थिए। भेटमा थापाले रिजालको लामो राजनीतिक अनुभव र ज्ञान पार्टीका लागि महत्वपूर्ण रहेको भन्दै पदाधिकारीमा प्रतिस्पर्धा नगरी पार्टीमै बसेर काम गर्न आग्रह गरेका थिए। रिजालले पनि आफ्नो मुख्य उद्देश्य पद पाउनु नभई कांग्रेसलाई बलियो बनाउनु रहेको बताएका छन्।

उनले गगन थापाको नेतृत्वमा पार्टीलाई अघि बढाउन सहयोग गर्ने निर्णय गरेको जानकारी दिएका छन्। नयाँ पुस्ता र पुरानो अनुभवबीच पुलको भूमिका खेल्न आफू तयार रहेको रिजालको भनाइ छ। उम्मेदवारी फिर्ताका लागि बुधबारसम्म समय तोकिएको छ भने बिहीबार मतदान हुने कार्यक्रम छ।