अर्ग्यानिक संघसँग छलफल गर्दै प्रधानमन्त्री बालेन

काठमाडौँ । प्रधानमन्त्री बालेन्द्र शाहले आज बिहान ११:३० बजे प्रधानमन्त्री तथा मन्त्रिपरिषद्को कार्यालयमा नेपाल अर्ग्यानिक सङ्घका पदाधिकारी र व्यवसायीसँग भेटघाट गर्दैछन्। छलफलमा अर्ग्यानिक कृषि उत्पादन, प्रशोधन, व्यापार, बजारीकरण र निर्यातलाई कसरी बढाउन सकिन्छ भन्ने विषयमा कुराकानी हुनेछ। बैठकमा सङ्घका अध्यक्ष दीपक बास्कोटा, उपाध्यक्ष प्रेम लामा, गोर्खा टी इस्टेटका अध्यक्ष उदय चापागाईं, हिमालयन साङ्ग्रिला टी फ्याक्ट्रीका अध्यक्ष कमल मैनाली र अन्नपूर्ण अर्ग्यानिक एग्रो इन्डस्ट्रिका अध्यक्ष पर्शुराम आचार्य सहभागी हुनेछन्।

नेपाल अर्ग्यानिक सङ्घले जैविक कृषि उत्पादन र यसको बजार विस्तारका लागि काम गर्दै आएको छ। पछिल्ला दिनमा प्रधानमन्त्री शाहले उद्योगी, व्यवसायी र उत्पादनमूलक क्षेत्रका प्रतिनिधिसँग लगातार छलफल गर्दै उनीहरूले भोगिरहेका समस्या सुन्ने, सुझाव लिने र आवश्यक नीतिगत सुधार तथा समाधानका उपाय अघि बढाउने प्रयास गरिरहेका छन्।