काठमाडौं । राष्ट्रिय स्वतन्त्र पार्टी (रास्वपा)का सांसद तथा महामन्त्री विपिनकुमार आचार्यले कर्मचारीको सरुवा र बढुवालाई व्यवस्थित बनाउन तत्काल ‘सरुवा बोर्ड’ गठन गर्न सरकारसँग माग गरेका छन्।
प्रतिनिधिसभाको बैठकमा बोल्दै आचार्यले आफू राजनीतिमा आएपछि सबैभन्दा धेरै दबाब सरुवा र बढुवाका लागि आउने गरेको बताए। आफन्त र साथीभाइले समेत सरुवाका लागि आग्रह गर्ने गरेको उनले बताए।
आचार्यले आफ्नो पार्टीको चुनावी बाचापत्रमा स्वायत्त सरुवा बोर्ड गठन गर्ने विषय उल्लेख भएको भन्दै त्यसैअनुसार काम गर्न सरकारलाई आग्रह गरे। उनका अनुसार यस्तो बोर्ड बनेपछि कर्मचारीको सरुवा र बढुवा नियम र निश्चित प्रक्रियाका आधारमा गर्न सकिनेछ।
सरुवा बोर्ड गठन नभए आफूलाई व्यक्तिगत रूपमा पनि समस्या पर्ने उनले बताए। उनले दसैँमा आफन्त र चिनजानका मानिसले आफूलाई काम नगरेको भन्दै गुनासो गर्ने अवस्था आउन सक्ने भन्दै सरकारलाई छिटो बोर्ड गठन गर्न आग्रह गरे।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
