काठमाडौं । अर्थमन्त्री डा. स्वर्णिम वाग्ले तीनदिने भ्रमणका लागि बिहीबार भारतको नयाँदिल्ली प्रस्थान गरेका छन्। भारत सरकारको निमन्त्रणामा उनी बिहान ७ः३५ बजे काठमाडौंको विमानस्थलबाट दिल्ली गएका हुन्।
भ्रमणका क्रममा नेपाल–भारतबीचको आर्थिक, राजनीतिक र कूटनीतिक सम्बन्ध तथा विपद्पछिको पुनर्निर्माणबारे छलफल हुने अर्थमन्त्रीको सचिवालयले जनाएको छ। वाग्लेले बिहीबार भारतीय अर्थमन्त्री निर्मला सीतारमणसँग भेटवार्ता गर्ने कार्यक्रम छ। शुक्रबार उनले विदेशमन्त्री एस. जयशंकरसँग भेट गर्नुका साथै उच्चस्तरीय कूटनीतिक संवादमा सहभागी हुनेछन्।
शुक्रबार साँझ व्यापारसम्बन्धी कार्यक्रममा सहभागी भएपछि शनिबार भारतीय उद्योग परिसंघको कार्यक्रममा प्रमुख वक्ताका रूपमा बोल्नेछन्। त्यसैगरी, दिल्ली स्कुल अफ इकोनोमिक्समा विकास अर्थनीतिबारे छलफलमा पनि सहभागी हुनेछन्।
अर्थमन्त्री वाग्ले शनिबार साँझ नेपाल फर्किने कार्यक्रम छ। भ्रमण टोलीमा अर्थ तथा परराष्ट्र मन्त्रालयका अधिकारीहरू पनि सहभागी छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
