काठमाडौं । काठमाडौं उपत्यकामा अब चिनी सहज रूपमा पाइने भएको छ। सरकारले उपत्यकाका एक हजारभन्दा बढी खुद्रा तथा थोक पसलबाट प्रतिकेजी ११० रुपैयाँमा चिनी बिक्री गर्ने व्यवस्था गरेको छ।
चाडपर्व नजिकिँदै गर्दा चिनीको अभाव र मूल्य बढेको गुनासो आएपछि सरकारले साल्ट ट्रेडिङमार्फत व्यापारीलाई चिनी उपलब्ध गराउन थालेको हो। भाटभटेनी, बिगमार्ट, सेल्सबेरीलगायत ठूला पसलमा पनि ११० रुपैयाँमै चिनी बेच्ने सहमति भएको छ।
सरकारले भारतबाट २५ हजार मेट्रिक टन र नेपालका उद्योगबाट २० हजार मेट्रिक टन गरी ४५ हजार मेट्रिक टन चिनी ल्याउने तयारी गरेको छ। नेपालमा वार्षिक करिब ३ लाख मेट्रिक टन चिनी आवश्यक पर्ने भए पनि उत्पादन १ लाख मेट्रिक टन मात्रै हुने गरेको छ। बाँकी चिनी भारतबाट ल्याइन्छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
