काठमाडौँ — नेपाल टेलिकमले मनसुन अफर २०८३ अन्तर्गत ग्राहकका लागि नयाँ तथा परिमार्जित मोबाइल प्याकेजहरू सार्वजनिक गरेको छ। कम्पनीले प्रिपेड र पोस्टपेड दुवै ग्राहकलाई लक्षित गर्दै सस्तो मूल्यमा बढी डाटा, कल र एसएमएस सुविधा दिने प्याकेज ल्याएको हो।
पोस्टपेड ग्राहकका लागि ३७३ रुपैयाँको प्याकमा ६ जीबी डाटा, ४०० मिनेट कल र ५० वटा एसएमएस उपलब्ध हुनेछ। त्यस्तै, ४९९ रुपैयाँको प्याकमा १० जीबी डाटा, ५०० मिनेट कल र १०० वटा एसएमएस पाइनेछ। यसबाहेक ६९९ रुपैयाँदेखि १ हजार ९९९ रुपैयाँसम्मका विभिन्न अनलिमिटेड प्याकमा धेरै डाटा, कल र एसएमएस सुविधा राखिएको छ।
प्रिपेड ग्राहकका लागि ९९ रुपैयाँमा १ दिनका लागि ८ जीबी र १९९ रुपैयाँमा ७ दिनका लागि २० जीबी डाटा प्याक उपलब्ध गराइएको छ। धेरै इन्टरनेट चलाउने ग्राहकका लागि ९९९ र १,४९९ रुपैयाँका अनलिमिटेड प्याक पनि ल्याइएको छ।
टेलिकमले नमस्ते रिकरिङ प्याकमा नयाँ ६९९ रुपैयाँको विकल्प थपेको छ। साथै, नमस्ते क्रेडिट (सापटी) सेवाको रकम बढाएर ३० रुपैयाँ बनाइएको छ। यो अफर साउन १२ गतेदेखि लागू भएको हो। ग्राहकले ८१४१५३ डायल गरेर वा नेपाल टेलिकम एपमार्फत यी प्याकेजबारे जानकारी लिन र खरिद गर्न सक्नेछन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
