काठमाडौँ । नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा झन्डै ६ महिनापछि आज स्वदेश फर्किंदैछन्। उनी बिहीबार दिउँसो साढे १२ बजे थाई एयरको विमानबाट काठमाडौं आउने बताइएको छ।
देउवा स्वदेश फर्किने भएपछि कांग्रेसको संस्थापनइतर समूहले त्रिभुवन विमानस्थलमा बाजागाजा र सांस्कृतिक झाँकीसहित स्वागत गर्ने तयारी गरेको छ। जेनजी आन्दोलनका क्रममा भएको आक्रमणमा घाइते भएपछि देउवा उपचारका लागि गत फागुनमा सिंगापुर गएका थिए। त्यसपछि थप उपचारका लागि उनी हङकङ पुगेका थिए।
स्वदेश फर्किएपछि देउवा शुक्रबार सुकेधारास्थित मिराकल पार्टी प्यालेसमा हुने कांग्रेस संस्थापनइतर समूहको राष्ट्रिय भेलामा सहभागी हुनेछन्। तीन दिनसम्म चल्ने भेलामा करिब पाँच हजार नेता–कार्यकर्ता सहभागी हुने अनुमान गरिएको छ। भेलाको उद्घाटन शुक्रबार दिउँसो १ बजे हुने बताइएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
