एमालेका ६ स्थानीय जनप्रतिनिधिको पद रिक्त

काठमाडौं । निर्वाचन आयोगले नेकपा एमालेबाट निर्वाचित ६ जना स्थानीय तहका जनप्रतिनिधिको पद रिक्त भएको घोषणा गरेको छ। आयोगका अनुसार उनीहरूले पार्टीको नीति र विधानविपरीत काम गर्दै दल त्याग गरेकाले कानुनअनुसार उनीहरूको पद स्वतः रिक्त भएको हो। एमाले केन्द्रीय सचिवालयले उनीहरू पार्टी छाडेको जानकारी आयोगलाई दिएपछि यो निर्णय गरिएको जनाइएको छ। पद गुमाउनेमा मोरङ, जाजरकोट, खोटाङ र रौतहटका वडा अध्यक्ष, एक नगर प्रमुख तथा एक वडा सदस्य रहेका छन्। अब ती पदमा कानुनअनुसार आवश्यक प्रक्रिया अघि बढाइनेछ।