बाढीपहिरोको क्षति व्यवस्थापनमा सरकार जुटिरहेको छ:प्रधानमन्त्री शाह

काठमाडौँ ।  प्रधानमन्त्री बालेन्द्र शाहले भदौ १० गतेदेखि देशमा भएका विपद्को व्यवस्थापनका लागि संघ, प्रदेश र स्थानीय सरकार मिलेर काम गरिरहेको बताएका छन्। सिंहदरबारमा बसेको विपद् जोखिम न्यूनीकरण तथा व्यवस्थापन राष्ट्रिय परिषद्को बैठकमा उनले सरकार विपद् व्यवस्थापनमा कुनै सम्झौता नगरी सक्रिय रहेको बताए।

बैठकमा गण्डकी, बागमती, मधेश र कोशी प्रदेशका मुख्यमन्त्री पनि सहभागी थिए। प्रधानमन्त्री शाहले उपलब्ध स्रोत, साधन र जनशक्ति प्रयोग गरेर बाढीपहिरोबाट भएको क्षति व्यवस्थापनको काम छिटो भइरहेको बताए।

उनले भोटेकोशी, त्रिशूली, गण्डकीलगायत क्षेत्रमा बाढीपहिरोबाट भएको क्षतिको अध्ययन गरी आवश्यक काम भइरहेको जानकारी दिए। विपद्को जोखिम घटाउन पूर्वसूचना प्रणाली अझ बलियो बनाउने र हिमपहिरोको जोखिम न्यूनीकरणमा पनि सरकारले काम गरिरहेको उनको भनाइ छ।

प्रधानमन्त्री शाहले विपद्का बेला जोखिम मोलेर खटिएका कर्मचारी, सुरक्षाकर्मी, स्वयंसेवक र राजनीतिक दलका प्रतिनिधिलाई धन्यवाद दिएका छन्।