काठमाडौँ । बागलुङको निसीखोला गाउँपालिका–३ बोहरागाउँमा सडक निर्माणका क्रममा माटोको ढिस्को खस्दा दुई मजदुरको मृत्यु भएको छ। घटनामा एक जना मजदुर गम्भीर घाइते भएका छन्।
काप्रा–बोहरागाउँ–छापाखानी प्यूठान सडक निर्माणका क्रममा आज बिहान करिब ७ः३० बजे अचानक माटोको ढिस्को खसेर तीन मजदुर पुरिएका थिए। घटनामा सल्यानका २८ वर्षीय लालबहादुर बुढाथोकी र उदयपुरका ३२ वर्षीय राजु थापाको मृत्यु भएको जिल्ला प्रहरी कार्यालयले जनाएको छ।
अर्का मजदुर रोल्पाका कृष्ण घर्ती मगरलाई घाइते अवस्थामा उद्धार गरिएको छ। उनको अवस्था गम्भीर रहेको बताइएको छ। उनलाई उपचारका लागि प्रादेशिक अस्पताल बुर्तिबाङ लगिएको छ।
जेसीबीले सडक स्तरोन्नति गर्ने क्रममा अचानक ढिस्को खस्दा मजदुरहरू पुरिएका प्रहरीले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
